Kişi arvadını maşından zorla endirdi, küçədə lüt soyundurdu - Azərbaycanda biabırçı hadisə » Istintaq.Az
20:00 Daha 2 narkotik alverçisi ələ keçirildi  |     19:46 Qohumunun maşınının hissələrini söküb satdı -FOTO  |     19:41 Bakıda intihara cəhd oldu  |     17:53 Gəncədə arvadını öldürmək istəyən şəxsə hökm oxunub  |     17:50 Tərtərdə 2 yaşlı uşağı qətlə yetirən şəxsin məhkəməsi başlayır  |     17:35 Bakıda narkotik vasitə qəbul edən kişi öldü  |     17:03 Rusiyada axtarışda olan şəxs Azərbaycanda həbs edildi  |     16:59 Azərbaycanda xanım vəkilin şok fırıldağı — Müdafiə etdiyi şəxslə evləndi və...  |     16:34 Bakıda avtomobilin vurduğu ahıl kişi xəstəxanada ölüb  |     16:22 Hindistanda faciə: Atasının meyitinin yandırıldığı oda özünü atdı  |     16:17 İsmayıllıda mağazadan 40 kq bal oğurlayan şəxs tutuldu - FOTO  |     15:00 Qəbələdə dəhşətli qəza: 3 ölü, 3 yaralı  |     14:04 Xüsusi təyinatlı zabitimiz intihar etdi - FOTO  |     13:44 Bakıda mağazadan 5 min manatlıq oğurluq edilib  |     13:42 Bakıda şirkətdən 90 min manatlıq oğurluq edilib  |     13:40 Mehman Hüseynovu təhqir edən şəxs polisə çağırılıb  |     13:37 Qaçıraraq evləndiyi qızı toy gecəsinin səhəri öldürdü - İfadəsi DƏHŞƏTƏ GƏTİRDİ  |     13:34 "Bacın əxlaqsız olub, sən niyə kişilikdən dəm vurursan?" - Şamaxıda qətl  |     13:13 Bakıda əkizlər doğuş zamanı öldü  |     12:44 Meşədə narkotik becərən şəxs tutuldu - FOTO  |    

Kişi arvadını maşından zorla endirdi, küçədə lüt soyundurdu - Azərbaycanda biabırçı hadisə
Gəncə Ağır Cinayətlər Məhkəməsində Ağstafa rayon Aşağı Kəsəmən kənd sakini, 1982-ci il təvəllüdlü Azər Abdullayev barəsində Azərbaycan Respublikası Cinayət Məcəlləsinin 221.1 (xuliqanlıq) və 29, 149.1-ci (zorlamaya cəhd etmə) maddələri ilə açılmış cinayət işi üzrə məhkəmə prosesi keçirilib.

Məhkəmə prosesində hadisə ilə bağlı bəzi məqamlar üzə çıxıb.

Məlum olub ki, 1985-ci il təvəllüdlü Xavər Niyazovanın (şərti ad-soyad) həyat yoldaşı vəfat etdikdən sonra o, 2012-2014-cü illərdə həmkəndlisi Azər Abdullayevlə qeyri-rəsmi nikah münasibətində yaşayıb. Lakin onların birlikdəliyi uzun çəkməyib və ayrılıblar. Bundan sonra mütəmadi olaraq A.Abdullayev qeyri-rəsmi nikahda yaşadığı qadını döydüyü, ona fiziki işgəncələr verdiyinə görə o, Xavərin şikayətləri əsasında 3 dəfə məhkumluq həyatı yaşayıb. Sonuncu dəfə 2020-ci ildə cəzaçəkmə müəssisəsindən buraxılan Azər qadını güdmək və onunla haqq-hesab çəkmək qərarına gəlib.

Hadisənin baş verməsi

İttiham aktından məlum olur ki, A.Abdullayev azadlığa çıxıb kənddəki evinə qayıdandan bir müddət sonra Xavərin bacısı ilə birlikdə gecə saat 22 radələrində evdən çıxdığını görüb. O, məhəlləyə gəlmiş “Mercedes” markalı taksinin çınqıllı yolun əsas yola birləşdiyi ərazidə sürəti azaltmasından istifadə edərək maşına yaxınlaşıb və Xavərin oturduğu tərəfdən arxa qapını açaraq onu tutub. Qadını küçənin ortasında yumruq və təpiklə döyməyə başlayan Azər taksi sürücüsünün ona mane olmasına imkna verməyərək “Ailəmdir, uzaq dur”, deyib. Hadisə vaxtı Xavərlə birlikdə maşında olan bacısı Xumar (ad şərtidir) isə qaçaraq evdəkilərdən kömək istəməyə gedib.

Küçənin ortasında zorla soyundurdu

Bu zaman daha əvvəl qeyri-rəsmi nikahda yaşadığı qadını döyməyə davam edən A.Abdullayev onu sürüyərək yaxınlıqdakı bağ sahəsinə salıb və bütün paltarlarını cıraraq əynindən çıxarıb. O, özü də qurşaqdan aşağı soyunaraq Xavəri zorlamağa çalışıb. Bu zaman Xavərin qardaşı Ramin (ad şərtidir) özünü çatdırıb və onlar dalaşmağa başlayıblar. Xavər Niyazova isə lüt vəziyyətdə küçə ilə qaçaraq yaxınlıqdakı qonşunun evinə daxil olub. Burada qonşu qadın ona geyinməsi üçün paltarlar verib. Ailə üzvləri oraya gələrək onu evlərinə aparıblar. Zərərçəkmiş qadın bu barədə polisə zəng edərək məlumat verib.

Tilovları götürüb balıq tutmağa getdi

Hadisədən sonra evə gələn Azər balıq tilovlarını götürərək Kür çayının sahilinə gedib və polislərin onu axtaracağını bildiyi üçün 1 sutkaya yaxın evə gəlməyib. Hadisənin sabahsı günü günortadan sonra o, evə qayıtdıqda polislər tərəfindən saxlanılıb.

Məhkəmədə ifadə verən A.Abdullayev Xavəri döysə də, onu zorlamaq fikrinin olmadığını deyib və ittihamı rədd edib. Şahid kimi ifadə verən qonşu qadın isə Xavərin onların evinə qaçaraq və üstü-başı bulaşmış vəziyyətdə tamamilə lüt vəziyyətdə gəldiyini, Azərin də hadisə vaxtı küçədə qurşaqdan aşağı çılpaq olduğunu bildirib.

Xavərin bacısı isə ifadəsində gecə saat 22 radələrində kəndə çağırdıqları taksi ilə Ağstafanın Poylu kəndində yaşayan bacısıgilə getmək istədiklərini bildirib.

Məhkəmə qərar verdi

Məhkəmə qeyd edilən maddələr üzrə A.Allahverdiyevi təqsirli bilərək onun 5 il müddətində azadlıqdan məhrum edilməsinə qərar verib.

(publika.az)





Şahidi olduğunuz hadisələri çəkib bizə göndərin!




            15 29.04.21 11:54