Qohumunu izləyən oğlanı ürəyindən bıçaqladı - Qanlı cinayətin TƏFƏRRÜATI + FOTO » Istintaq.Az
18:36 Azərbaycan beynəlxalq ödəniş sistemlərini ölkəyə dəvət edib.  |     18:35 Cəlal İsayevin evini qarət edən alpinistlərin cəzası azaldıldı - FOTO  |     18:31 Bayrağa hörmətsizlik edən məmur barəsində cinayət işi açıldı - RƏSMİ  |     16:13 Toydan çıxan şəxsi avtomobil vuraraq öldürdü.  |     16:10 Avtobus qoca qadını vuraraq öldürdü.  |     16:08 Naxçıvandakı Gümüşlü göl ətrafında 4 nəfər həbs edildi.  |     18:24 Hacı Tahirin dələduzluqda ittiham edilən oğlu: “Səkkiz dəfə Məkkədə olmuşam”.  |     18:22 Bakıda kişi yeznəsini qətlə yetirdi: “Qardaşlarının bazarda dəstəsi on qəpikdir deyirdin”.  |     18:19 Qəbələdə toydan çıxan şəxsi maşın vurub öldürdü.  |     18:16 Sosial şəbəkələrdə və elan saytlarında dələduzluq edən şəxs saxlanılıb - VİDEO  |     18:13 Lənkəranda axund məscidin həyətində bıçaqlandı.  |     18:11 “Papanin” və “Kubinka”da narkotik satanlar tutuldular - VİDEO  |     18:41 Şəhid Anar Kazımovun anası vəfat etdi.  |     18:40 Daşkəsəndə ağır qəza: Üç nəfər xəsarət aldı.  |     18:39 İranda etiraz aksiyalarında qətlə yetirilən xanımlar - FOTO  |     18:37 Xırdalanda 17 yaşlı gənci maşın vurub ölürdü.  |     18:36 Rəisin oğlu hava limanında faciəvi şəkildə öldü.  |     18:35 Goranboyda qəza - Xəsarət alanlar var.  |     18:34 Daxili İşlər Nazirliyi bu uşaqları axtarır.  |     18:31 Nikolay Patruşev oğlunu prezident kürsüsünə gətirir? – Kremldə iç savaşı başladı.  |    

Qohumunu izləyən oğlanı ürəyindən bıçaqladı - Qanlı cinayətin TƏFƏRRÜATI + FOTO
Nizami rayonunda mübahisə zamanı tanımadığı şəxsi bıçaqlayaraq öldürmək istəyən Elxan Məlikovun cinayət işi üzrə detallar məlum olub.

İstintaq.az xəbər verir ki, hadisə Qara Qarayev prospektində fəaliyyət göstərən ticarət mərkəzinin yaxınlığında baş verib.

Hacıqabul rayon sakini, 1993-cü il təvəllüdlü Mayılov Sirac Əlizadə oğlu naməlum şəxs və şəxslərlə mübahisə zəminində ürək və qarın nahiyələrindən çoxsaylı bıçaq xəsarətləri alıb.
Yaralı ağır vəziyyətdə 3 saylı şəhər xəstəxanasına yerləşdirilib. Ona döş qəfəsinin, qarın boşluğunun çoxsaylı kəsilmiş-deşilmiş yaraları diaqnozu qoyulub. Həkimlərin səyi nəticəsində yaralının həyatını xilas etmək mümkün olub.

Keçirilən əməliyyat istintaq tədbirləri nəticəsində cinayəti törətəməkdə şübhəli bilinən Bakı şəhər sakini 1992-ci il təvəllüdlü Elxan Məlikov saxlanılıb.

İş üzrə dindirilmiş Elxan Məlikov ifadəsində bildirib ki, məhkəmələrdə və digər inzibati binalarda elektron sistemlərin quraşdırılması ilə məşğul olub. Bununla əlaqədar tez-tez ezamiyyətlərə göndərilib. Axırıncı dəfə Ağstafa rayonuna gedib.

Dekabr ayında nişanlısının bacısı Səlimətdən Sirac adlı şəxsin onu 4 ildir narahat etdiyini öyrənib. Qız deyib ki, dəfələrlə oğlana arxasınca gəlməməsi barədə xəbərdarlıq edib. Bir dəfə rayonda olanda bilib ki, Sirac yenə də qızın ardınca gəlib. O, taksi ilə şəhərə gəlsə də, həmin şəxslə görüşə bilməyib.

Hadisə baş verən günü növbəti dəfə ezamiyyətə gedərkən zəng edib Səlimətdən harada olduğunu soruşanda, qız 30 nömrəli avtobusla işdən qayıtdığını və Siracın da həmin marşrutda olmasını söyləyib.

O, “Xalqlar dostluğu” metrosunun yanında avtobusa minəcəyini deyib. Dayanacaqda marşruta mindikdən sonra Səlimət ona işarə ilə Siracı göstərib. Qız evin yaxınlığında düşəndə oğlan da arxasınca avtobusdan çıxıb.

Elxan Məlikov ifadəsinin davamında bildirib ki, o, cəld Siracın qolundan tutub sözü olduğunu deyəndə sonuncu qolunu çəkib və onu tanımadığını bildirib. Qaçmaq istədiyini hiss etdiyi üçün dərhal cibindən bıçağı çıxarıb ona çoxsaylı xəsarətlər yetirib.

Zərərçəkmiş Sirac Mayılov ifadəsində göstərib ki, NZS qəsəbəsində yaşayıb. Marşrut avtobusunda hərəkət edərkən Səliməti görüb və ondan xoşu gəlib.

Dekabrın 25-də avtobusa minərək qabaq oturacaqlardan birində əyləşib. Səlimət arxada oturub. Qarayev prospektində qızın arxasınca düşəndə tanımadığı şəxs sağ qoluna girib və onunla işi olduğunu deyib. Qaçmaq istəyəndə ayağı büdrəyib və yerə yıxılıb. Bu zaman Elxan bıçaqla onu vurmağa başlayıb. O, qışqıraraq yoldan keçən insanlardan kömək istəyib. Bıçağın tiyəsindən tutaraq Elxanın sifətinə yumruqla zərbə vurub və ayağa duraraq qaçıb. Bir qədər qaçsa da, sonradan huşunu itirərək yerə yıxılıb.

Məhkəmə iclasında Elxan Məlikov ittiham üzrə özünü qismən təqsirli bilib.

Sonda məhkəmənin hökmü ilə 28 yaşlı Elxan Məlikov 7 il 10 ay müddətinə azadlıqdan məhrum olunub.









Şahidi olduğunuz hadisələri çəkib bizə göndərin!




            239 13.09.22 18:26