Sumqayıtda şok olay: Gənc oğlan sevgilisinə işgəncə verdi - TƏFƏRRÜAT » Istintaq.Az
18:21 Tanınmış prokuroru şantaj edən qadın məhkəmə zalında həbs olundu - FOTO  |     18:20 Üzərində “Kalaşnikov” gəzdirən şəxs tutuldu - FOTO/VİDEO  |     18:18 Sumqayıtda qadın anasına niyə beş bıçaq zərbəsi vurub?  |     18:16 Avtobusda cibgirlik edən şəxslər saxlanılıblar.  |     18:15 Bakıda evdən üç min manatlıq qızıl oğurlandı.  |     18:13 “Whatsapp”da piramida dələduzluq sxemi ilə yüzlərlə insanı aldadan şəxs həbs edilib - FOTO/VİDEO  |     18:10 Bakıda idman arenasında gənclər arasında dava olub: Ölən var.  |     18:17 İmişli rayon sakininin evindən yeddi kiloqrama yaxın narkotik aşkarlandı - FOTO  |     18:16 Hakim: “Sənin barəndə ən obyektiv qərarı verəcəyəm” - İlkin Süleymanovun məhkəməsi.  |     18:16 Oğurluq edən şəxslərin digər cinayət əməllərinin üstü də açıldı.  |     18:15 Bakıda marketdə quldurluq edən şəxs saxlandı.  |     18:14 Bakıda pul ödəmə terminallarını talayan şəxs saxlanılıb.  |     18:13 4 yaşlı qızın qətlində adı hallanan qadın niyə tapılmır?  |     18:11 Şirkətdən 20 min manatlıq oğurluq olub.  |     18:09 Bakıda kişinin iki yaşlı oğlunu və qayınanasını bıçaqlaması hadisəsinin detalları.  |     18:06 Ukraynanın üç sərhəd-keçid məntəqəsinin fəaliyyəti dayanıb: Elektrik yoxdur.  |     19:03 Gəncədə 51 yaşlı kişini avtomobil vururaq öldürdü.  |     19:03 Atasını döyərək öldürməkdə şübhəli bilinən şəxsi polis saxlayıb.  |     19:00 QMİ nümayəndəsinin oğluna hökm oxundu.  |     18:59 Sosial şəbəkədə bankın adına səhifə açaraq dələduzluq edən şəxs tutulub.  |    

Sumqayıtda şok olay: Gənc oğlan sevgilisinə işgəncə verdi - TƏFƏRRÜAT
Sumqayıt şəhərində 1994-cü il təvəllüdlü Qədir sevgilisi İradəyə (adlar şərti verilib – red.) xəsarət yetirib.

Teleqraf.com-un əldə etdiyi məlumata görə, cinayət işi üzrə təqsirləndirilən şəxs qismində ifadə verən Qədir bildirib ki, İradə onun qeyri-rəsmi yaşadığı qadındır:

“Biz təxminən 1 ildir tanış olmuşuq, elə həmin müddətdən birlikdə qeyri-rəsmi ər-arvad kimi yaşamışıq. Aramızda tez-tez münaqişələr yaranıb. İradə məndən dəfələrlə polisə şikayət edib. Lakin sonra məni bağışlayıb”.

Təqsirləndirilən şəxs qeyd edib ki, İradə ilə aralarında münaqişə qısqanclıqdan yaranıb:

“Münaqişə zamanı İradənin hərəkətlərindən əsəbiləşdiyim üçün əl zərbələri ilə onun bədəninin müxtəlif nahiyələrinə vuraraq ona xəsarətlər yetirdim. Lakin İradə barəmdə polisə şikayət etmədi”.

Qədirin ifadəsinə görə, növbəti gün yenidən aralarında qısqanclıq üstündə mübahisə olub. İradə ona işləməməyini irad tutub:

“Bu zaman münaqişəmiz dərinləşdi. Əsəbiləşərək İradənin ayağından vuraraq yerə yıxdım, bədən nahiyələrinə bir neçə zərbə vurdum. İradə məndən şikayət edəcəyini bildirdi. Mən isə evdən getdim”.

Təqsirləndirilən şəxs ifadəsinin sonunda törətdiyi əməldən peşman olduğunu, İradə ilə barışığa cəhd etdiyini və 2-ci Qarabağ müharibəsi iştirakçısı olduğunu bildirib. O, barəsində yüngül cəza təyin olunmasını məhkəmədən xahiş edib.

Cinayət işi üzrə zərərçəkmiş İradənin sözlərinə görə, Qədirlə söhbət zaman məişət problemlərinə görə aralarında münaqişə yaranıb:

“Qədirə irad bildirmişəm ki, bütün günü evdə oturur, özünə iş tapsın. Sözlərim Qədirin xoşuna gəlmədi, bunu münaqişəyə çevirdi, bədənimin müxtəlif nahiyələrinə vurdu. Lakin həmin vaxt Qədirdən şikayətçi olmadım”.

İradə qeyd edib ki, növbəti dəfə yaşadıqları ünvanda yenə söhbətləri düz gəlməyib:

“Buna görə aramızda münaqişə yarandı. Qədir yenə məni döydü. Artıq Qədirin bu kimi hərəkətlərindən bezdiyim üçün ondan şikayət etmək qərarına gəldim”.

Dəfələrlə Qədir tərəfindən şiddətə məruz qaldığını deyən İradə onun barəsində polisə şikayət edib.

O, ifadəsində Qədirlə barışmadığını, ondan şikayətçi olduğunu söyləyib.

Sumqayıt Şəhər Məhkəməsinin hökmü ilə Qədir 9 ay müddətə azadlığın məhdudlaşdırılması cəzasına məhkum edilib. Təqsirləndirilən şəxs üzərinə Sumqayıt Şəhər Probasiya şöbəsinə məlumat vermədən saat 23:00-dan növbəti gün saat 07:00-dək yaşadığı yaşadığı evi tərk etməmək, Sumqayıt şəhəri və Abşeron rayonunun hüdudlarından kənara çıxmamaq, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulub.





Şahidi olduğunuz hadisələri çəkib bizə göndərin!




            271 22.11.22 18:43