Sevib evlənmişdilər, qadın ərini öldürdü: Yaralı halda dedi ki... - Bakıdakı qətlin şok təfərrüatı - FOTO » Istintaq.Az
19:04 İrandan Azərbaycan istiqamətinə dövlət sərhədini pozmağa cəhd göstərən şəxslər saxlanıldılar  |     18:47 Sabunçuda narkotiklərin qanunsuz dövriyyəsi ilə məşğul olan 49 nəfər saxlanılıb - FOTO/VİDEO  |     18:16 Naxçıvan hava limanında ictimai asayişi pozan şəxs həbs olundu.  |     18:15 Bakıda yarımstansiyadan 74 min manatlıq oğurluq olub.  |     19:34 Gözəllik salonundan 12 kiloqrama yaxın narkotik və saxta ABŞ dollarları aşkarlanıb - FOTO  |     19:27 Bakıda kuryer şirkətinin narkotik satan əməkdaşları saxlanılıblar - FOTO/VİDEO  |     19:25 Narkomaniyadan əziyyət çəkənlərə işgəncə verməkdə təqsirləndirilən şəxsin məhkəməsi keçirilib.  |     19:23 Bakıda müxtəlif mağazalardan oğurluq etməkdə şübhəli bilinən qadın saxlanılıb.  |     19:58 Azərbaycan narkotik qaçaqmalçısı olan İran vətəndaşını beynəlxalq axtarışa verdi.  |     19:57 Şəmkirdə iki min manata “Kalaşnikov” satan şəxs saxlanılıb - FOTO  |     19:55 Sosial şəbəkədə cinayətkarlığı təbliğ edən şəxs “Kalaşnikov”la tutuldu - FOTO/VİDEO  |     19:52 İrandan Gəncəyə narkotik gətirən şəxs saxlanılıb - FOTO  |     19:50 Bakıda narkotikə görə 46 nəfər saxlanıldı - FOTO/VİDEO  |     19:49 Rüşvətə görə tutulan dekan barəsində qərar verildi.  |     19:48 Tamadanı bıçaqlayan şəxs: “Doqquz min manat verdim ki, şikayətçi olmasın”.  |     19:22 Boşandığı arvadını və qohumlarını bıçalayan şəxsin son qurbanı köməyə gələn qonşu olub - VİDEO  |     16:38 Binəqədidə iti döyən şəxs cərimələnib.  |     19:06 İrandan külli miqdarda narkotik gətirildi - İki qurumdan Bakıda birgə ƏMƏLİYYAT  |     19:05 Abşeronda narkotikə görə beş nəfər saxlanıldı - FOTO/VİDEO  |     19:04 Azərbaycanda bələdiyyə sədrinə qarşı cinayət işi başlanıldı.  |    

Sevib evlənmişdilər, qadın ərini öldürdü: Yaralı halda dedi ki... - Bakıdakı qətlin şok təfərrüatı - FOTO
Bakıda həyat yoldaşını qətlə yetirməkdə təqsirli bilinən Gülnar Vəlizadənin cinayət işi üzrə təfərrüat məlum olub.

Ölkə.Az xəbər verir ki, məlumata görə Suraxanı rayonu, Hövsan qəsəbəsində 25.12.1990-cı il təvəllüdlü Elşən Hadızadə yaşadığı evdə bədəninin müxtəlif nahiyələrindən kəsilmiş-deşilmiş xəsarət alıb və aparıldığı xəstəxanada ölüb.

Aparılan istintaq-əməliyyat tədbirləri nəticəsində E.Hadızadənin həyat yoldaşı, 1991-ci il təvəllüdlü Gülnar Vəlizadə tərəfindən qətlə yetirilməsinə əsaslı şübhələr yaranıb. G.Vəlizadə şübhəli şəxs qismində saxlanılıb.

İş üzrə dindirilmiş Gülnar Vəlizadə ifadəsində bildirib ki, Elşən Hadızadə ilə Azərbaycan Texniki Universitetində təhsil alarkən tanış olub. Bir-birilərini sevib 2014-cü ildə ailə qurublar. 2015-ci və 2018-ci illərdə iki övladları dünyaya gəlib. Uzun müddət kirayədə və atasının himayəsində yaşayıb maddi çətinlik çəkiblər. Elşənin valideynlərinin maddi dəstəyi ilə Hövsan qəsəbəsində ev alıblar. Elşən dost tanışlarından müxtəlif məbləğlərdə borc pul alsa da, sonradan onları qaytara bilməyib. Borc pul verən şəxslər artıq qapıya gəldikdə, o, əsəbiləşib. Aralarında maddi sıxıntılara görə dəfələrlə mübahisələr yaranıb. Onu uşaqların gözü qarşısında döyüb.

Övladları da atalarının bu hərəkətlərindən qorxub. Ailə məsələlərinə müdaxilə etdiyindən Elşən atasından işlərinə qarışmamasını tələb edib. Əri qəsəbədə fəaliyyət göstərən marketdə satıcı kimi işləməyə başlayıb.

Yanvarın 29-da axşam Elşən işdən evə gələndə Gülnar uşaqlardan birinə dərs keçib. Əri sakit olmalarını tələb edəndə, ona uşağa dərs öyrətdiyini bildirib. Buna görə dalaşıblar və yoldaşı ona əl qaldırıb uşağın beşiyini də təpiklə vuraraq sındırıb.

Səhərisi gün saat 8-də işə gedən Elşən günorta evə gəlib. Dişi ağrıdığı üçün əri çarpayıya uzanıb yatmaq istəsə də, onu uzanmağa qoymayıb. Ondan uşağın beşiyini necə qırıbsa, elə də düzəltməyini tələb edib. Yaranan növbəti mübahisə zamanı Elşən otaqda uşaqların gözü qarşısında onu döyüb və sağ əli ilə boğazından tutub boğub. Nəfəsinin kəsildiyini görüb bir anda Elşənin əlindən çıxıb qabdan mətbəx bıçağını götürüb sol əlində saxladığı bıçaqla ərinin sinəsinə zərbə endirib. Sinəsindən qan axdığından əri əyilib yerə oturub.

Gülnar Vəlizadə ifadəsinin davamında bildirib ki, qaçaraq qonşusundan dərman alaraq onunla birlikdə evə qayıdıb. Qonşusu sakitləşdirici iynə vurduqdan sonra onu çarpayıya uzadıblar. Qonşusuna Elşənin bıçaqla özünə xəsarət yetirdiyini bildirib. Çünki əri ona söyləyib ki, kim soruşsa, deyərsən, özüm özümü vurmuşam, bilsələr ki, sən vurmusan, polislər səni tutacaq.

Bundan sonra qonşusunun tapşırığı ilə aptekə gedərək lazımı dərmanlar alıb. O vaxta qədər atası, əmisi və yoldaşının Azad adlı dostu onlara gəliblər. Elşən bıçağın təsadüfən ona batdığını bildirdikdə, atası deyib ki, yalan danışmağın yeri yoxdur, polislərə düzünü söyləyəcəklər.

Dəfələrlə telefonu alıb Təcili Tibbi Yardıma zəng etmək istəsə də, əri buna imkan verməyib. Növbəti dəfə o, “103” xidmətinə saat 16:30 rədələrində zəng edib.

Gülnar Vəlizadə bildirib ki, yoldaşının vəziyyəti ağırlaşdığından o, təcili yardıma saat 17:39 radələrində yenidən zəng edib. Tibbi briqada gələrək Elşəni xəstəxanaya aparıb.

Gülnar Vəlizadə əlavə edib ki, Elşəni öldürmək məqsədi olmayıb. Bir neçə dəfə aralarında dava baş verəndə bıçaqla onu qorxudub, amma həmin gün kəsici alət təsadüfən özü də bilmədən onun sinəsinə batıb. Əməlindən çox peşmandır. Elşənlə bir-birilərini istəyib evləniblər və aralarındakı mübahisələrə baxmayaraq onu sevib.

Məhkəmə iclasında Gülnar Vəlizadə ittiham üzrə özünü qismən təqsirli bilib. Məhkəmədən barəsində ədalətli qərar qəbul edilməsini və övladlarına tez qovuşa bilməsi üçün ona mümkün qədər yüngül cəza verilməsini xahiş edib.

Zərərçəkmiş şəxsi hüquqi varisi hadisə nəticəsində oğlunu itirdiyini bildirərək gəlininə ağır cəza verilməsini istəyib.

Sonda məhkəmənin hökmü ilə Gülnar Vəlizadə CM-nin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsi ölümünə səbəb olma) maddəsi ilə təqsirli bilinərək 9 il müddətinə azadlıqdan məhrum olunub.











Şahidi olduğunuz hadisələri çəkib bizə göndərin!




            307 23.01.23 19:17