Masallıda qaçırılan qız tapılıb.

Masallıda qaçırılan qız tapılıb.

APA-nın Cənub bürosunun verdiyi məlumata görə, sosial şəbəkələrdə Masallı rayonunun Ərkivan qəsəbə sakini 2005-ci il təvəllüdlü S.Tağıyevanın repetitor yanından evə qayıdarkən kənd yolunda naməlum şəxs və ya şəxslər tərəfindən qaçırılması barədə xəbərlər yayılıb. Qızın qaçırılması barədə dərhal rayon Polis Şöbəsi və aidiyyəti qurumlar məlumatlandırılıb.

DİN-in Mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev APA-ya bildirib ki, həmin müraciətlə əlaqədar keçirilən müvafiq tədbirlər nəticəsində qızın yeri müəyyən olunub və gətirilərək ailəsinə təhvil verilib.

Hazırda faktla bağlı Masallı Rayon Polis Şöbəsində araşdırma aparılır. Araşdırmanın nəticəsindən asılı olaraq məsələyə hüquqi qiymət veriləcək.

17 yaşı tamam olan qız polisə izahatında zorla qaçırılmadığını bildirib. O, evlənmək məqsədilə könüllü şəkildə getdiyini deyib.






Şahidi olduğunuz hadisələri çəkib bizə göndərin!