Narkotik satışında ittiham olunan iki nəfərə bəraət verilib.

Külli miqdarda narkotik dövriyyəsində təqsirli bilinən Elnur Bayramov və Nurlanə Nəhmətovanın cinayət işi üzrə məhkəmə araşdırması başa çatıb.

APA xəbər verir ki, Bakı Ağır Cinayətlər Məhkəməsində keçirilən prosesdə hökm oxunub.

Hakim Əli Məmmədovun sədrlik etdiyi hakimlər heyəti belə qənaətə gəlib ki, tutulma və onlardan narkotik götürülmə vaxtı üst-üstə düşməyib.

Hər iki şəxsin təqsiri sübuta yetirilmədiyindən onlara bəraət verilib.

Qeyd edək ki, təqsirləndirilən şəxslərə qarşı Cinayət Məcəlləsinin 234.4.1 (bir qrup şəxs tərəfindən satış məqsədi ilə narkotik vasitəni əldə etmək, saxlama) və 234.4.3 (satış məqsədi ilə külli miqdarda narkotik vasitələri əldə etmə, saxlama) maddələri ilə ittiham irəli sürülüb.





Şahidi olduğunuz hadisələri çəkib bizə göndərin!